حنا هوما مواليات الشي، حنا العيالات الطموحات، الواعرات، لي حاطين رجلينا فمجال المقاولة، عندنا بزااف مانعطيو، وباغين نخليو بصمتنا فـ المجتمع،
متحمسين باغين نشوفو أفكارنا فـ أرض الواقع ونكبرو مشاريعنا،
ماشي مسمومات، وكانمدو يدينا لبعضياتنا باش نحققو ذاتنا وأهدافنا جميع.
نكونو مجتمع نسائي قوي، كيواكب العيالات الطموحات باش يبنيو مشاريع ناجحة ويحققو الحرية المالية، ويخليو بصمتهم الإيجابية فالمجتمع. .
الأهداف ديالنا هو تمكين العيالات باش يطورو ذاتهم ومشاريعهم، عبر مشاركة التجارب والمعرفة والأدوات اللي تختصر الوقت والمجهود، ونخلقو بيئة اللي تفتح فرص للنمو المشترك.
القيم ديالنا كترتكز على التعاون بين العيالات، الطموح اللي كيحوّل الأفكار الصغيرة لمشاريع كبيرة، الصدق فالخدمة بلا خوا الخاوي، والإيمان بالأثر الإيجابي اللي نخليوه فالمجتمع.
من 2016 و حنا بادين.. داكشي علاش حنا أول مجتمع أونلاين نسائي في المغرب.
وسنة على سنة كانسمعو لعيالات وكانتطورو وكانزيدو نكبرو..
هاد العام قررنا نتحولو من السمية لي كاتعرفو كاملين..
للسمية لي فعلا كاتعبر عليكم،
باقين بصباغتنا 😎.. بنشاطنا 🤪.. بحماسنا 🤩..
بالضحك وقت الضحك.. واللعب وقت اللعب، والمعقول وقت المعقول..
ايلا كاتسولي شنو تبدل.. غانجاوبك بلي خاصك تقولي شنو تزاد..
حيت تا حاجة ماتبدلات من غير السمية..
والي تزاد غانخليكم تكتاشفوه لراسكم..
أكثر من 4.000 امرأة كايوصلوها الإيمايلات ديالنا فين كاتواصل معاهم هاجر أيت تبيا و كاتشاركهم تجاربها و قصصها فــ عالم تبزنيس. والعيالات القدام معنا غادي اكونو عارفين النشرة البريدية لي كانو كايتسناوها كل شهر.. بغينا نقولو ليكم.. تسنيتوها..
كايوصلوك من 1 حتى 2 نشرات بريدية فالشهر،
فيهم معلومات، قصص، أدوات مجانية.. وزيد وزيد..
المهم، داكشي لي ماكانشاركوهش فحتى شي بلاصة أخرى..
ومرة مرة اقدر اوصلوك قسائم شراء خاصة 🤫
ديري هاد الموقع عندك فالمفضلة،
حيت كل شويا كانزيدو تحديثات جديدة ومهمة..
مولات شي هي منصة كتجمع نساء مقاولات وطموحات، هدفها تفتح ليهم مجال يتقاسمو التجارب والأفكار، يلقاو الأدوات اللي تعاونهوم يطورو راسهم ومشاريعهم، ويخدمو على أهدافهم بلا ضياع وقت فالخوا الخاوي. هي فضاء ديال الدعم، التعاون، والتحفيز، باش كل وحدة تخلي بصمتها وتكبر مشروعها بثقة وبروح جماعية.
كل الحقوق محفوظة 2016 - 2026 ©
صنع بحب 💖 من المغرب
